ეს კურსი განკუთვნილია მათთვის, ვისაც სურს გამოირჩეოდეს კვლევის ანალიტიკოსის როლში და დაეუფლოს კვლევითი პროექტების დაგეგმვის, შესრულებისა და მართვისთვის საჭირო უნარ-ჩვევების სრულ სპექტრს. კურსის ფარგლებში გაეცნობით როგორც თვისებრივი, ასევე რაოდენობრივი კვლევის დიზაინს, მათ შორის შეისწავლით სამიზნე სეგმენტების განსაზღვრის მიდგომებს, რესპონდენტების შერჩევის ტექნიკებს და მონაცემების განზოგადების სტრატეგიებს. მონაწილეები მიიღებენ გამოცდილებას ეფექტური კითხვარების აწყობაში, მონაცემთა დამუშავებაში და SPSS-ის გამოყენებით სტატისტიკურ ანალიზში. გარდა ამისა, დაეუფლებით პროცესის მართვის, პროექტულ გუნდთან კომუნიკაციისა და დაინტერესებულ მხარეებთან კვლევის შედეგების ეფექტური წარდგენის გზებს.

კურსის დასრულების შემდგომ, თქვენ შეიარაღდებით ყველა საჭირო ინსტრუმენტებითა და ცოდნებით, რაც ეფექტური კვლევების დაგეგმარებასა და შესრულებაში დაგეხმარებათ. თქვენ შეძლებთ ხარისხიანი ინფორმაციის მოგროვებას, მონაცემების მაღალ დონეზე გაანალიზებას და შედეგზე ორიენტირებული ანგარიშების მომზადებას.

სამიზნე აუდიტორია:

• კვლევის ანალიტიკოსები, რომელთაც სურთ გაიუმჯობესონ საკუთარი უნარები კვლევის გეგმის შედგანასა და განხორციელებაში.

• მარკეტინგული კვლევის სპეციალისტები, რომლებსაც სურთ შექმნან სრულყოფილი კვლევის დიზაინი და ეფექტურად გამოიყინონ შედეგები მარკეტინგული სტრატეგიების დაგეგმვისას.

• კვლევითი პროექტის მენეჯერები, რომლებსაც სურთ გაიუმჯობესონ კვლევითი პროექტების ზედამხედველობის უნარები.

• მონაცემთა ანალიტიკოსები, რომლებსაც სურთ კვლევის დიზაინისა და ანგარიშგების უნარები დაამატონ თავიანთ კომპეტენციებს.

• სტუდენტები და აკადემიური პირები, რომლებიც დაინტერესებულები არიან პრაქტიკული კვლევითი უნარების გაუმჯობესებით.

კომპეტენციები, რომელსაც განივითარებთ:

• კვლევის გეგმის შედგენა და დიზაინი: გამოიმუშავებთ სამიზნე სეგმენტის განსაზღვრის, კვლევის დაგეგმვისა და შედეგების განზოგადების უნარებს.

• კვლევითი ინსტრუმენტების შემუშავება: შეძლებთ შექმნათ მონაცემების მოგროვების ეფექტური ინსტრუმენტები და ამოცანებზე ორიენტირებული კითხვარები.

• პროცესის მართვა და გუნდთან კომუნიკაცია: დაეუფლებით კვლევითი პროცესის მართვის უნარებს, რაც გაგიმარტივებთ და გააუმჯობესებს პროექტულ გუნდთან კომუნიკაციას.

• მონაცემების მომზადება და ხარისხის კონტროლი: გამოიმუშავებთ მონაცემების კოდირების, რევიზიისა და ხარისხის მონიტორინგის უნარებს.

• მონაცემების დამუშავება და სტატისტიკური ანალიზი: შეძლებთ მონაცემების დამუშავებას, აღწერითი და მაღალი დონის სტატისტიკურ ანალიზის განხორციელებას, საშედეგო ცხრილების მომზადებას და ჰიპოთეზების ტესტირებას SPSS / STATA-ს გამოყენებით.

• შედეგების ინტერპრეტაცია და ანგარიშგება: გამოიმუშავებთ მონაცემების ინტერპრეტაციისა და ეფექტური ანგარიშგების უნარებს.

• ვიზუალიზაცია და პრეზენტაცია: დაეუფლებით ეფექტური ვიზუალიზაციის ტექნიკებსა და შედეგების პრეზენტირების უნარებს.