ეს კურსი განკუთვნილია როგორც მენჯერებისთვის, ასევე მარკეტინგის, პროდუქტის განვითარების, ადამიანური რესურსების, გაყიდვების, ხარისხის მართვის, მომხმარებლებთან ურთიერთობის ან R&D (კვლევა და განვითარება) გუნდის წარმომადგენლებისთვის, რომელთაც სურთ კვლევითი უნარების გაძლიერება. კურსის ფარგლებში მიიღებთ პრაქტიკულ ცოდნებს კვლევის მეთოდებსა და დიზაინში, რაც დაგეხმარებათ ეფექტურად ჩაატაროთ და გამოიყენოთ კვლევები თქვენს საქმიანობაში. ისწავლით, როგორ დაგეგმოთ კვლევითი პროექტები, გააანალიზოთ მონაცემები და გარდაქმნათ შედეგები პრაქტიკულ ბიზნეს გადაწყვეტილებებში. კურსის ფარგლებში გაეცნობით ტექნიკური დავალებისა (TOR) და სატენდერო პირობების მომზადების პრინციპებს, რაც დაგეხმარებათ მომწოდებლებთან კომუნიკაციის გაუმჯობესებაში და შედეგზე ორიენტირებული კვლევების დაგეგმვაში.

კურსის გავლის შემდგომ, თქვენ შეიარაღდებით ცოდნებითა და უნარებით, რაც კვლევითი მიმართულებით ინოვაციების დანერგვაში და უკეთესი ბიზნეს შედეგების მიღწევაში დაგეხმარებათ.

სწავლა იწყება 2024 წლის 11 ნოემბერს და მოიცავს 10 ორსაათიან შეხვედრას. 10 შეხვედრიდან 6 შეხვედრა ჩატარდება დისტანციურად Zoom პლატფორმის გამოყენებით, ხოლო დარჩენილი 4 შეხვედრა ჩატარდება ფიზიკურად ეპიზოდში (მისამართი: ქ. თბილისი, პეკინის #41). ფიზიკური შეხვედრები დაეთმობა სიმულაციებს და როლურ თამაშებს, რათა პრაქტიკული აქტივობების საფუძველზე ვისწავლოთ კვლევით ნიუანსებში ნავიგაცია.

სამიზნე აუდიტორია:

• აღმასრულებელი რგოლი და მენეჯერები, რომელთაც სურთ კვლევის შედეგები გამოიყენონ სტრატეგიული გადაწყვეტილებების მისაღებად.

• მარკეტინგის გუნდი, რომლის მიზანია უკეთ შეისწავლოს მომხმარებლის ქცევა და მოახდინოს მარკეტინგული კამპანიების ოპტიმიზაცია.

• პროდუქტის განვითარების გუნდი, რომელსაც სურს პროდუქტის დახვეწა მომხმარებლების აზრის გათვალისწინებით.

• გაყიდვების გუნდი, რომელსაც სჭირდება საკუთარი მიდგომები და სტრატეგიები მოარგოს ბაზრის ტენდენციებს და მომხმარებლის სურვილებს.

• მომხმარებლებთან კომუნიკაციის გუნდი, რომელიც ცდილობს მომხმარებლის კმაყოფილების გაუმჯობესებას და ლოიალობის ზრდას.

• კვლევისა და განვითარების (R&D) გუნდი, რომელიც აქცენტს აკეთებს ინოვაციებზე და სურს გაუმჯობესების სტრატეგია კვლევებს დააფუძნოს.

• HR გუნდი, ხარისხის მართვის გუნდი და კვლევით დაინტერესებული ნებისმიერი პირი.

კომპეტენციები, რომელსაც განივითარებთ:

• კვლევის დიზაინი და დაგეგმვა: გამოიმუშავებთ უნარებს, რომლებიც დაგეხმარებათ დაგეგმოთ ბიზნესის მიზნებზე მორგებული ეფექტური კვლევითი პროექტები.

• მონაცების მოგროვების და ანალიზის სტრატეგიები: უკეთ გაერკვევით მონაცემთა მოგროვების სტრატეგიებში, როგორც რაოდენობრივი, ასევე თვისებრივი კვლევების მიმართულებით.

• მეორადი მონაცემების გამოყენება: გაიღრმავებთ მეორადი მონაცემების მოძიებისა და ანალიზის უნარებს.

• კვლევითი შედეგების კომუნიკაცია: გამოიმუშავებთ მონაცემების თავმოყრის, ვიზუალიზაციისა და ეფექტური ანგარიშგების უნარებს.

• კვლევის ჩატარების ეთიკა: გაიგებთ როგორ უნდა მოხდეს ეთიკური საკითხების გათვალისწინება კვლევის დაგეგმვისა და შედეგების კომუნიკაციის პროცესში.